hazizurriak
izena; pluralean erabiltzen da
Hazizurriak gaixotasun bat dira, listu-guruinak handitzea eragiten duena; listua ekoizten duten organoak dira listu-guruinak. Gaixotasun honen ondorioz, masailak eta lepoaren goiko aldea puxika baten gisara puzten dira, eta tomateak bezain gorri jartzen dira. Hazizurriak haurrek izaten dituzte batez ere; kutsakorrak dira, eta, eskuarki, sukarra ematen dute. Bada txerto bat hazizurriak izatea saihesten duena.
Medikuek parotiditis hitza erabiltzen dute; termino hori espezializatua da, eta antzinako grezierako par- ‘ondoan’, ot- ‘belarri’ eta -itis ‘hantura’ elkartuta eratu da.
Paperak ere esaten zaio.
hazizurriak
