piollo

Un piollo é un insecto moi pequeno que vive no cabelo das persoas, sobre todo dos nenos, é de cor marrón e ten antenas e seis patas. Os piollos aliméntanse de sangue da nosa cabeza e iso provoca pequenas feridas. Se rascas a cabeza, pode ser que teñas piollos.

Os piollos femia poñen ovos, que se chaman lendias e que acaban converténdose en piollos. As lendias son moi difíciles de eliminar porque están pegadas ao pelo e os piollos son difíciles de atrapar porque se moven moi rápido. Pódense quitar do cabelo cun peite e produtos líquidos especiais que os matan.